مانيب جابرك ما فالحب جبريه
ودك تفارق فمان الله فارقني
عش دنيتك واستقل العمر حريه
ماني معلقك وانته لا تعلقني
انا علي الهجر عندي قو شخصيه
من باعني لا هجرني مايضيقني
جرب وعش دنيتك والنيه النيه
وانا لادورت بلقي من يرافقني
ضروف فرقاك ماكانت ضروريه
بس انت ودك وقال القلب فارقني
ما عاد فيها يابو فرقا محنيه
ولا عاد انا عاشقك ولا انت عاشقني
وان هب طاريك باكر وقت عصرية
خليت الافكار للصده تسابقني
ذبحت حبك وسقت لعشقك الديه
وخليت الاشواق من ذكرتك تعتقني
مبطي وانا اعذرك وافكارك ضبابيه
ربي علي الكلمة الزينه موفقني
واليوم ماعاد لي فالحب موليه
رح غرب وانا هواجيسي تشرقني
بقولك شي دام ارواحنا حيه
من باب عشرة لو الجحدان حارقني
احلام الانسان ماهي دوم وردية
تبي تردك ظروف الوقت صدقني
lhkdf f[hfv;